नाशिक : प्रतिनिधी
रोटरी क्लब ऑफ नाशिक मिडटाऊनच्या २०२६-२७ या रोटरी वर्षातील पहिल्या सेवा उपक्रमाचा १८ जुलै २०२६ ला शुभारंभ झाला. या उपक्रमांतर्गत रमाबाई आंबेडकर कन्या विद्यालयातील ५० विद्यार्थिनींना ‘राज आकांक्षा स्टडी ॲप’चे मोफत वाटप करण्यात आले, तसेच शाळेच्या नूतन संगणक प्रयोगशाळेचे उद्घाटन करण्यात आले. ‘मूलभूत शिक्षण आणि साक्षरता’ या संकल्पनेवर हा प्रकल्प आधारित होता.
ॲड. अजय जाधव यांच्या आर्थिक सौजन्यातून हा डिजिटलायझेशन उपक्रम साकारण्यात आला. या कार्यक्रमादरम्यान रोटरी सदस्यांनी विद्यार्थिनींशी संवाद साधून त्यांना डिजिटल शिक्षणाचे महत्त्व समजावून सांगितले. स्वतंत्रपणे अभ्यास करण्यासाठी आणि परीक्षांमधील गुण सुधारण्यासाठी ‘राज आकांक्षा स्टडी ॲप’ कसे उपयुक्त ठरेल, याविषयी मार्गदर्शन करून विद्यार्थिनींना प्रोत्साहन देण्यात आले.
गुणवत्तापूर्ण शिक्षणाप्रति रोटरीची कटिबद्धता पाहून शाळा व्यवस्थापनाने उपस्थित रोटरी टीमच्या हस्ते शाळेच्या संगणक प्रयोगशाळेचे उद्घाटन घडवून आणले. हा उपक्रम म्हणजे शाळेच्या डिजिटल साक्षरतेच्या प्रवासातील एक महत्त्वाचा टप्पा ठरला आहे.
याप्रसंगी रोटरी क्लब ऑफ नाशिक मिडटाऊनचे अध्यक्ष दीपक धोळकिया, सचिव राजेंद्र वर्मा, ॲड. अजय जाधव, सलीम बटाडा, शिरीष भालेराव, दिलीप चव्हाण, मनोज काबरा, दिलीप काळे, डॉ. नामपूरकर, विनोद तन्ना, शिरीष वाबळे, तसेच शाळेचे व्यवस्थापन मंडळ व शिक्षकवृंद मोठ्या संख्येने उपस्थित होते.
“एकत्र येत आपण कायमस्वरूपी आणि सकारात्मक बदल घडवू शकतो” या यंदाच्या रोटरीच्या ब्रीदवाक्याला सार्थ ठरवणारा हा उपक्रम यशस्वीपणे पार पडला.
—
