नाशिक : प्रतिनिधी
वर्धिष्णु एज्युकेशन सोसायटी संचलित आरंभ पब्लिक स्कूल येथे आंतरराष्ट्रीय योग दिन उत्साहात साजरा करण्यात आला. शाळेच्या संचालिका अस्मिता मोगल यांच्या मार्गदर्शनाखाली आयोजित या उपक्रमात प्री-स्कूलमधील तीन ते सहा वर्षे वयोगटातील विद्यार्थ्यांनी विविध योगासने सादर केली.
यावेळी विद्यार्थ्यांना योगाचे महत्त्व, नियमित योगाभ्यासामुळे होणारे शारीरिक व मानसिक फायदे तसेच निरोगी जीवनशैलीचे महत्त्व सोप्या भाषेत समजावून सांगण्यात आले. विद्यार्थ्यांनी वृक्षासन, वज्रासन, भुजंगासन, बालासन यांसह विविध योगासने उत्साहाने सादर केली. तसेच ‘ॐ’ पठणातून योगाचे आध्यात्मिक व मानसिक महत्त्वही विद्यार्थ्यांना समजावून देण्यात आले.
कार्यक्रमाच्या यशस्वी आयोजनासाठी सुचिता गीते, मंजिरी चौधरी, रसिका गायकवाड, शारदा सूर्यवंशी यांनी विशेष सहकार्य केले.
—
