नाशिक : प्रतिनिधी
डॉ. शिवचरण उज्जैनकर फाउंडेशन यांच्यातर्फे तापी पूर्णा उत्कृष्ट समाजसेवक राष्ट्रीय पुरस्कार येथील डॉ. प्रीती कृष्णा शहाणे यांना प्रदान करण्यात आला आहे. त्रंबकेश्वर येथे नुकत्याच झालेल्या अखिल भारतीय शिव मराठी साहित्य संमेलनात त्यांना हा पुरस्कार डॉ. शिवचरण उज्जैनकर, प्रा. डॉ. सुभाष बागल, डॉ. रमाकांत जाधव आदी मान्यवरांच्या हस्ते प्रदान केला. त्यांनी हा पुरस्कार प्रतिनिधीमार्फत स्वीकारला.
डॉ. प्रीती शहाणे यांनी एम्स तेलंगणा येथून एम.बी.बी.एस. पूर्ण केलेले असून त्या वैद्यकीय क्षेत्रात कार्यरत आहेत. तसेच त्यांनी वैद्यकीय विद्यार्थी संघटना, तेलंगणाच्या अध्यक्षपदी काम केलेले आहे. त्या नाशिक रोड येथील बिटको महाविद्यालयाचे प्रभारी प्राचार्य प्रा. डॉ. कृष्णा शंकर शहाणे यांच्या कन्या आहेत. बेटी बचाव बेटी पढाव या विषयावर त्यांचा खास अभ्यास असून याच विषयावर त्यांने अनेक ठिकाणी व्याख्याने दिलेली आहेत.
त्यांच्या या बहुआयामी कामगिरीबद्दल आचार्य बाळशास्त्री जांभेकर पत्रकार संघ यांच्यावतीने नॅशनल एक्सलन्स अँवार्ड, तसेच राष्ट्रीय माणुसकी पुरस्कार अशा राष्ट्रीय पातळीवरील पुरस्काराने त्या यापूर्वी सन्मानित झाल्या आहेत.
—
