नाशिक : प्रतिनिधी (दिलीप अहिरे यांजकडून)
पेठरोडवरील उन्नती एज्युकेशन सोसायटीच्या उन्नती हायस्कूल व कनिष्ठ महाविद्यालयाचे सेवाभावी व शिक्षणप्रेमी प्राचार्य नीलकंठ लुकडू नेर हे ३२ वर्षाच्या प्रदीर्घ सेवेतून सेवानिवृत्त होत आहेत.
नेर यांचा सेवापूर्ती सोहळा कोरोनाचे नियम पाळून मंगळवारी (दि.11) सकाळी ११ वाजता शाळेच्या प्रांगणात आयोजित करण्यात आला आहे. कार्यक्रमाच्या अध्यक्षस्थानी संस्थेचे अध्यक्ष अशोक आबा सोनजे, तर प्रमुख अतिथी म्हणून डॉ. अशोक खुटाडे, प्रवीण अमृतकर, भास्कर सोनजे, राजेश कोठावदे, सुभाष मुसळे, प्राथमिक विभागाचे मुख्याध्यापक नंदलाल धांडे उपस्थित राहणार आहेत.
समारंभास उपस्थित राहण्याचे आवाहन पर्यवेक्षक आर. डी. राणे व शिक्षक शिक्षकेतर कर्मचारी यांनी केले आहे.
—
