नाशिक : प्रतिनिधी
लोकमान्य विद्यालयात गीत गायन कार्यक्रम झाला. मराठीतील प्रसिद्ध कवी कुसुमाग्रज, स्वातंत्र्यवीर वि. दा. सावरकर, शांता शेळके, आशा गवाणकर, ग. ह. पाटील यांच्या प्रसिद्ध निवडक कवितांचे सुश्राव्य गायन संस्थेतील शिक्षिकांनी केले. प्रमुख पाहुणे म्हणून निर्मला लोककल्याण प्रबोधिनीचे अध्यक्ष ज्ञानेश्वर देवरे उपस्थित होते.
लोकमान्य शिक्षणप्रसारक मंडळाच्या हीरक महोत्सवानिमित्त पहिले पुष्प आयोजित केले गेले. याप्रसंगी ज्ञानेश्वर देवरे म्हणाले की, संत गाडगेबाबा यांच्यासाठी आईचे बोट धरून जेवणाचा डबा घेऊन येणे आणि त्याच वास्तूत प्रमुख पाहुणे म्हणून येणे हा एक अद्भुत योगायोग आहे.
यावेळी मराठी लवकरच राज्यभाषा होण्यासाठी सर्वतोपरी प्रयत्न केले जात आहे ही माहिती देवरे यांनी विद्यार्थ्यांना दिली.
अध्यक्षीय भाषणात लोकमान्य विद्यालयाच्या शालेय समितीचे अध्यक्ष श्रीराम महाजन यांनी मराठी माघ महिन्यातील महत्त्वाचे सण-समारंभ व त्यांचे महत्व याविषयी विस्तृत माहिती दिली. मुख्याध्यापक महादेव घोडके यांनी प्रास्ताविक केले. दिलीप पुरकर यांनी मान्यवरांचा परिचय करून दिला. पालवे यांनी सूत्रसंचालन केले. ज्येष्ठ्य शिक्षिका पाटील यांनी आभार मानले.
यानंतर प्राथमिक विद्या मंदिराचे शालेय समिती अध्यक्ष शशांक इखणकर व बांधकाम समितीचे अध्यक्ष राजेंद्र सराफ यांच्या मार्गदर्शनाने गीतगायन झाले.
—
