नाशिक : प्रतिनिधी
आपला सर्वांगीण विकास होण्यासाठी आरोग्याचे विशेष महत्त्व असते. बालिका आरोग्य समितीतंर्गत घेतल्या जाणाऱ्या उपक्रमामुळे विद्यार्थिनींचा मानसिक, बौद्धिक, शारीरिक विकास झाला आहे, असे प्रतिपादन लोकमान्य शिक्षणप्रसारक मंडळाचे कार्यवाह सुधीर पाटील यांनी केले. संस्थेच्या बालिका आरोग्य विकास समितीतंर्गत झालेल्या पौष्टिक आहार वाटप कार्यक्रमप्रसंगी ते बोलत होते.
बालिका आरोग्य समिती प्रमुख सुषमा भानगावकर यांनी प्रास्ताविक केले. तसेच संस्थेद्वारे दिल्या जाणाऱ्या पौष्टिक आहारातून मुलींचे आरोग्य सुधारून हिमोग्लोबिन वाढायला मदत झाली आहे, असे स्पष्ट केले. याप्रसंगी सुधीर पाटील, सुषमा भानगावकर, मुख्याध्यापिका दर्शना मोरे, पालक वर्ग व विद्यार्थिनी उपस्थित होते. आरोग्य समिती प्रमुख शर्मिला डोंगरे यांनी
प्रमुख अतिथींचा परिचय करून दिला. भावना निकम, दीपा धोंडाळकर या विद्यार्थिनींनी मनोगत व्यक्त केले. पालक मीरा कंडारकर यांनी उपक्रमाबद्दल संस्थेचे आभार मानले. यावेळी मुलींना खजूर, फुटाणे व गुळ यांचे वाटप करण्यात आले. मंजुषा जोशी यांनी सूत्रसंचालन केले. मुख्याध्यापिका दर्शना मोरे यांनी आभार मानले.
—
