अश्विननगर, सिडको येथील युडब्ल्यूसीईसीमध्ये वार्षिक पालक सोहळा उत्साहात 

नाशिक  : प्रतिनिधी

अश्विननगर, सिडको येथील युडब्ल्यूसीईसीमध्ये वार्षिक पालक सोहळा उत्साहात झाला. या कार्यक्रमातून शिक्षण व बालविकासात पालकांची मोलाची भूमिका अधोरेखित करण्यात आली. कार्यक्रमाचे आकर्षण म्हणजे पालकांचा उत्स्फूर्त सहभाग होता. कठपुतळी शो, नृत्य व विविध खेळांमध्ये पालकांनी आनंदाने भाग घेतला. मुलांसोबत पालकांनी शिक्षकांच्या मार्गदर्शनाखाली रंगतदार नृत्य सादर करून सगळ्यांचे लक्ष वेधले. आनंद, हास्य आणि उत्साहाने भारलेले वातावरण सर्वांनी अनुभवले.

कार्यक्रमांच्या शेवटी अल्पोपहार देण्यात आला व पालकांच्या अखंड प्रेम  व सहकार्याबद्दल कृतज्ञता व्यक्त करण्यात आली. पालक सोहळा हा फक्त एक कार्यक्रम नव्हता, तर एकत्रितपणे जगण्याचा आनंद साजरा करण्याचा आणि मुलांच्या उज्ज्वल भविष्यासाठी शाळा व कुटुंब यांची बांधिलकी अधोरेखित करणारा एक हृदयस्पर्शी सोहळा ठरला.

—