नाशिक : प्रतिनिधी
मविप्र समाज संस्थेच्या श्री छत्रपती शिवाजी माध्यमिक व उच्च माध्यमिक विद्यालय, मखमलाबाद येथे हिवाळी क्रीडा शिबीरास उत्साहात सुरुवात झाली. प्राचार्य एल. डी. आवारे यांच्या हस्ते या शिबीराचे उद् घाटन करण्यात आले.
याप्रसंगी आवारे यांनी विद्यार्थ्यांना खेळाचे व त्यातून होणार्या व्यायामाचे महत्व समजावून सांगितले. हिवाळ्यातील व्यायाम हा आपल्या शरीरासाठी महत्वाचा असतो. आपले शरीर त्यामुळे नक्कीच तंदुरुस्त राहते. तंदुरुस्त शरीर व खेळाचा सराव असेल तर आपण कुठल्याही खेळात नक्कीच यश संपादन करु शकतो, असेही त्यांनी सांगितले.
विद्यालयाच्या क्रीडांगणावर विविध खेळांचे प्रशिक्षण दिले जाणार असून यामध्ये विद्यार्थ्यांना मैदानी प्रकार, हाॅकी, खो-खो, कबड्डी, हँडबाॅल, फुटबाॅल, हाॅलीबाॅल, बॅडमिंटन, योगा, वैयक्तिक खेळ आदी खेळांचे प्रशिक्षण दिले जाणार आहे.
या शिबीरासाठी इयत्ता ५ वी ते १० वीच्या २०० विद्यार्थ्यांनी सहभाग नोंदविलेला आहेत. शिबीरात क्रीडाशिक्षक ए. पी. पगार, डी. एन. सोनवणे, एन. एस. जाधव हे मार्गदर्शन करत आहेत.
